Павел Мікалаевіч Гапонік нарадзіўся 4 лістапада 1941 г. у в. Горталь Івацэвіцкага раёна Брэсцкай вобласці. Бацька, Мікалай Данілавіч, загінуў на фронце.Клопаты па сялянскай гаспадарцы ляглі на маці, Марыю Васільеўну. У 1948 г. Павел пайшоў вучыцца ў Гортальскую сямігодку, затым вучыўся ў Целяханскай сярэдняй школе (1955–1958). Пасля заканчэння школы працаваў на Целяханскай лыжнай фабрыцы.